Upernaami nuannaartorisat

foraarsmode

Upernaamut suut nuannaartorineqarnerunisssaat nalornissutigaajuk? Qanoq qalipaatilinnik atisalissanerlutit nalornissutigaajuk? Imaluunniit qanoq ilusillit atussanerlugit nalornivit? Nuummi mutinik niuertut qanoq siunnersuuteqarnersut uani atuaruk.

Inuit Quality Clothes
– Qalipaaterpassuit atorneqalertussaammata qinigassaqassaqaatit, Anika Sørensen, niuertarfimmi Inuit Quality Clothes-imi pisortaq oqaluttuarpoq.

– Qalipaatit pinngortitami nassaassat, qalipaatit sakkortuut sakkukinnerillu takkutissapput, kiisalu ruskind, ammit meqqullit meqquiakkallu atorneqarlualissapput. Timersortartorpalaatut suli atugaagallassapput.

In Fashion
– 70ikkunnitut persuarsiutaanngitsut, qalipaatit sakkortunngitsut, qarliit paakkaat. Tuluujuit qungasikkaat, nuersakkat, natsat kiisalu kamippaat portusuunik kimmillit takkussaaleqqissapput. Qalipaatit qaqortoq, kajortoq, tungujortoq taartoq kiisalu mint atorneqarlualissapput, niuertarfiutilik Hanne Lisa Berthelsen oqarpoq.

  Ilusilersorluakkat aappalaartunik tungutsorissunillu qalipaateqasssapput. Taakkua saniatigut nannikaat kipparissortuullu aamma takussaassapput.

Qiviut
– Umimmaap qiviuinik puisillu amianik tunisassiaatigut, nalinginnaasumik nuannaartorineqartunit allaanerusarput, niuertarfiutilik Anita Høegh oqarpoq.

– Puisip amiinik/qiviunik jakkiliat nuaat kiisalu ass. seeqqormiut, qungasequtit ataannartut, ikusequtit naalungiarunnullu atisassiat, Care Serie-mut atatillugit umimmaap qiviuinik sanaat, upernaamut nioqqutigilluarnissaat ilimagaarput.

Ittuwoman
– 70-kkunni nuannaartorisat qarliit paakkaat, qalipaatit sakkortuut kiisalu angisuunik kimmillit takkuteqqilerput, niuertarfimmi pisortaq, Randi Christensen, oqaluttuarpoq.

– Ruskindimik sanaarpassuit kiisalu erfattortalippassuit aamma takussaallualissapput – natsallu aamma takkussuutilissallutik!

Share on Facebook0Tweet about this on TwitterShare on Google+0Share on LinkedIn0Email this to someone