Timersuutit KNI A/S-imit tapersersorneqartut

acr-kni

Foto: Steen Olsen

Arctic Circle Race
Sisoraatinik unammersuarnerit nunarsuarmi sakkortunersaasa ilaat Arctic Circle Race ukiut 20-issaat nalliuttorsiortoq aallartilluinnalerpoq. Aprilip aallaqqaataaniit pingajuat ilanngullugu ingerlanneqassaaq, ullut pingasut unnuinerillu marluk Sisimiut timaani atorneqassallutik.

Isorartussutsimut 160 km-terimut 100 km-terimullu peqataasussat aatsaat taama amerlatigissapput 223-ussagamik. Taakku ilagissavaat kunngikkormiusut ataqqinassusilik Kunngissaq Frederik, kiisalu allat nunanit assigiinngitsunit 13-neersut. Nunat peqataatitaqartut tassaapput Australia, Estland, Savalimmiut, Frankrig, Tyskland, Sverige, Letland, Norge, Schweiz, Tuluit Nunaat, USA, Danmark aamma Kalaallit Nunaat.

Arctic Circle Racep ingerlanneqartarnerani aningaasaliisartunut pingaarnernut KNI A/S ukiorpaalunni ilaavoq.  Artic Circle Race-imut pingaarnertut aningaasaleeqataasutut tulluussimaarutigaarput piumassutsiminnik suleqataasarnerup siuarsaaqataaffiginera pikkorissullu ineriartornermikkut Kalaallit Nunaata nunanut allanut nittarsaannissaanut periarfissaqarnerulertarmata.


Avannaata Qimussersua
Avannaata Qimussersua ulluni 31. marts (meeqqat) aamma 2. april 2016 (inersimasut) Uummannami ingerlanneqassaaq.

Anngunniuffiusuni 7-ni ingerlanneqartuni sumiiffinnit 21-ineersut Avannaata Qimussersuanut peqataasussat 33-ussapput. Uummannap eqqaani sikukkut sukkaniunnissami 40 km-terisut isorartutigisoq atorlugu inersimasut 2. april sukkaniutissapput.

Meeqqat peqataasussat 19-it 10-15 km-terisut isortutigisoq atorlugu 31. marts sukkaniutissapput.

Avannaata Qimussersuanut ukiumoortumik aalajangersimasumik aningaasaliisarnermigut KNI A/S-ip tulluussimaarutigaa oqaluttuarisaanitsinni pingaarutilerujussuarmut tapersersueqataasinnaagami. Qimusserneq Avannaani Tunumilu nunaqarfinni illoqarfinnilu inussutissarsiornermi suli pingaarutilerujussuuvoq.

Share on Facebook0Tweet about this on TwitterShare on Google+0Share on LinkedIn0Email this to someone