Inuuneq tapersersoruk

stotlivet-770

Ajoraluartumik imminortarnewq Kalaallit Nunaanni annertuumik ajornartorsiutaavoq. Tamanna unitsinniarlugu peqatigiiffik Inuunera Iggoraarsuk oqarasuaatikkut internetikkullu piaartumik saaffiginniffiusinnaasunik pilersitsivoq.

Assit: Inuuneruna iggoraarsuk

Piffissap ilaatigut Paninnguaq Heilmannimut imminornissaq periarfissatuatut isiginarsingaluarpoq. Taanna 19inik ukioqarluni imerajuttuuvoq assullu taaqqungasuulluni. Taanna 15inik ukiulimmik nukaqanngikkaluaruni ullumikkut inuusimanavianngikkaluarpoq.

– Taamani imminut ajortisaleraluarpunga. Ulluinnarni aarlerineq, imminut naleqartinnginneq, imminorusunneq, imminut innarlerneq (cutting), bulimi, imigassartorneq, silaaruttarneq, persuttaaveq misigiuarpakka ilunnilu misigissutsit artornartut imaaginnavilutik, Paninnguaq oqaluttuarpoq.

– Imminoriaraluarnerma kingorna imminut iliuuseqarfiginiarlunga aalajangerpunga. Katsorsartillunga imertarunnaarpunga inuuneralu iluarsiartulerluni.

Paninnguup meeqqat atuarfiat naammasigamiuk maanna gymnasiami ilinniartuuvoq. Saniatigullu imminortarneq pillugu nammineq suliariniakkani, Inuuneruna Iggoraarsuk ingerlallugu.

stotlivet-770-01

Inuuneruna Iggoraarsuk
2014imi Paninnguaq katsorsartilluni ilorraap tungaanut aallareerluni, katsorsaqatiginikuusani niviarsiaq toqusimasoq tusarpaa, tamannalu ajorusuutigeqalugu. Tamatuma nalaani Kujataani suli imminortoqarsimasoq tusaramiuk, pissutsit naammagiinnarunnaarpai.

– Tassani qanoq iliuuseqarusulerpunga, Paninnguaq oqaluttuarpoq.

– Inuit imminornermik periarfissatuatut isiginnittarnerat naammagiunnaarpara, tamannami periarfissatuaanngimmat.

Isumassarsiarpassuit takkussuupput. Ajornartorsiummi qanoq akiorneqarsinnaava? Taamatut Facebookimi qupperneq, Inuuneruna Iggoraarsuk, pinngorpoq.

stotlivet-770-02

Annertuumik soqutigineqarpoq
Inuit kisimik taamatut ajornartorsiuteqannginnerat ersersinniarlugu Facebookimi qupperneq aallartinneqaraluarpoq. Innuttaaqataasut namminneq Facebookikkut saqqummiisalerput assinik oqaasertalinnik, soorlu »Inuuneq tapersersoruk« imaluunniit »Inuuneq iggoraarsuk«, tamakkualu soqutigineqaqalutik. Sivitsunngittoq tugassiuutinit assiginngigtsunit, inunnillumi nalinginnarnit ikiortissarsiortunit, Paninnguaq saaffigineqartalerpoq.

– Piffissami taama sivikitsigisumi pisoqapallannera assut pikkunarpoq, Paninnguaq oqarpoq.

– Suliariniagaq ingerlalluarpoq, inupparujussuarnullu oqariartuutitta anngussimanissaa ilimagaara. Annertusaavugulli, suli amerlanerusunut anngussinnaarusulluta.

Nittartagaq nutaaq
Inuuneruna Iggoraarsuk annertusarlugu nittartagartaaq ateqarpoq www.kisimiingilatit.gl tassungalu inuit artorsaateqartut saaffiginnissinnaapput. Nittartakkami tassani allaqateqartoqarlunilu oqalliseqataasoqarsinnaavoq. Inunnut ikiortarialinnut saaffissaalluarpoq. Ikiorserneqarnissamik pisariaqaartitsisut allaqateqarnissaminnut ulloq unnuarlu saaffiginnissinnaapput. Tassunga atatillugu aamma ulloq unnarlu ammasumik oqarasuaateqassaaq, ikiorneqarnissamik pisariaqartitsisut oqaloqateqarusuttullu allat sianerfigisinnaasaannik.

– Internetikkut oqarasuaatikkullu saaffiginnittunik isumaginnittut namminneq kajumissutsiminnik sulissuussapput, Paninnguaq oqaluttuarpoq.

– Taakkua misilittagaqartariaqassanngillat ilinniarsimasuullutilluunniit, kisiannili inoqatiminnik ikiueriarnissaminnut naleqquttuunersut takuniarlugu misilitsittassallutik.

Nammineq kajumissutsiminnik sulisut
Illit nammineq kajumissutsinnik suleqataarusukkuit, mailikkut uunga saaffiginnissinnaavutit: projektinuuneq@gmail.com

Una aamma alakkaruk
www.kisimiingilatit.gl

Facebook
Inuuneruna iggoraarsuk

stotlivet-770-03

Share on Facebook0Tweet about this on TwitterShare on Google+0Share on LinkedIn0Email this to someone