Paamiuni aningaasaqarneq pillugu siunnersuineq

paamiutoekonomiraadgivning2

Kommuneqarfik Sermersuup aammalu GrønlandsBANKEN-ip akornanni ataatsimoorussamik suleqatigiipput aammalu innuttaasut pisortanit ikiorsiissutinik pisartagallit ikiorneqarlutik. Kingullermi Paamiuni pikkorissartitsisoqarpoq.

Pikkorissartitsinerit innuttaasunut pisortanik ikiorsiissutinik pisartagalinnut aningaasaqarniarnermigut ´tamakkiisumik takunnissinnaajunnaarsimasunut sammiveqarput. Taamatut Kommuneqarfik Sermersooq aammalu GrønlandsBANKEN-i siusinnerusukkut ataatsimoorussamik tusagassiutitigut nalunaaruteqarnerminni oqaluttuarinikuuaat.

Paamiuni innuttaasut 35-it missaaniittut qanoq aningaasartuutinut piareersimaffiginngisanut sipaartoqartarnersoq aammalu qaammatip naanissaanut qanoq aamma aningaasaateqartoqarsinnaanersoq pillugit siunnersortinniarlutik ornigussimapput. GrønlandsBANKEN-ip bankkontut assigiingitsut, missingersuutinut konto, NemID ileqqaarinerlu pillugit oqaluttuarai.

”Paamiuni Pisartakkanik Isumaginniffiup qanoq pisortanit ikiorsiissutinik, suliffeerunnermi ikiorsiissutinik aammalu napparsimanersiutinik qinnuteqartoqartarnersoq aammalu suliffissaaleqisuugaanni suut eqqaamasassaanersut nassuiaatigai. Aaqqissuussineq iluatsilluinnartumik ingerlanneqarpoq, orniguttorpassuit pisortanik naapitsinermi ajornakusoorsinnaasut pillugit amerlasoorpassuarnik tamakkiisumik paasinnissinnaalersimanertik iluarisimaarlugu ersersitsipput,” taamatut Isumaginninnermut, Suliffeqarnermut Inuutissarsiornermullu Immikkoortortami siunnersortinut pisortaq Kristian Dahl oqarpoq.

Share on Facebook0Tweet about this on TwitterShare on Google+0Share on LinkedIn0Email this to someone