Nammineq piumassutsiminnik sulisunut akissarsisitsineq

doris

Decembarip tallimaanni Peqqissutsimut Naalakkersuisup Kalaallit Nunaanni timersoqatigiiffiit Kattuffiatalu inuit namminneq piumassutsiminnik timersornermut sunniuteqartut aammalu timimik aalatsitsinerulernermut sunniuteqarluarsimasut nersorniarpaat ukiup 2015-ip ingerlanerani najukkaminni sulisimasut.

Unnuk aaqqissuunneqarsimavoq nalliuttorsiorpalaartumik Katuami takutitsilluni ingerlanneqalerpat tamannalu KNR-TV-mit toqqaannartumik aallakaatinneqassaaq.

Peqqissutsimut Naalakkersuisup nuannaarutigaa nuna tamakkerlugu timip aalatinnerunissaanut unammisitsinermi Naalakkersuisut aaqqissuussaanni peqataalluarfigineqarmat:

»Isumaqarpunga pingaaruteqartoq suliniutit pitsaasut tamaasa pioreersut ersersissallugit allanillu isumassarsisitsisinnaasut. Ukioq manna ajugaasut maligassiuilluarput atuarfinni, suliffeqarfinni illoqarfigisamilu nunaqarfigisamiluunniit qanoq iliortoqarsinnaasoq timimik aalatsitsinerulernissamut. Assorsuaq nuannaarutigaara taamak amerlatigisut unammisitsinermut peqataaniarlutik nalunaarsimammata« oqarpoq Naalakkersuisoq Doris Jakobsen.

Kalaallit Nunaanni Timersoqatigiiffiit Kattuffianni siulittaasoq siulittaasoq ilassuteqarluni oqarpoq: »Kalaallit Nunaanni Timersoqatigiiffiit Kattuffiata nuannaarutigaa periarfissaqarmat timersornerup iluani inunnik nersuisoqarsinnaammat minnerunngitsumillu inuit nammineq piumassutsiminni sulisut inuiaqatigiinnik kivitsisuummata. Nuannaarutigaarput namminneq piumassutsiminnik sulisut piumassuseqarluarnerat ukiumilu 2016-imi AWG2016 suleqatigalugu MIBB-lu ukioq nammineq piumassutsimut ukioritissinnaalersimammassuk.«

Kalaallit Nunaanni Timersoqatigiiffiit Kattuffiata ukiut tamaasa akissarsisitsisarpoq Peqqissutsimullu Naalakkersuisoq timip aalatinnerulernissaanut unammisitsinermi akissarsitsisarpoq innuttaasut peqqinnerulernissaat ukioq 2019 tikillugu.

Share on Facebook0Tweet about this on TwitterShare on Google+0Share on LinkedIn0Email this to someone