Katuap ukiumi 2015-imi angusai naammaginartut

Katuaq-regnskab

Katuap ukiumi 2015-imi angusai 344 t.kr.-nik sinneqartoornerupput, missingersuutigineqarsimagaluarluni 38 t.kr.-nik amigartooruteqarnissaq. Siulersuisut angusat naammaginartutut isigivaat.

Katuap ukiumi 2015-imi angusai 344 t.kr.-nik sinneqartooruteqarput 38 t.kr.-nik amigaartooruteqarnissaq missingersuutigineqarsimagaluarluni. Sinneqartoorutit ilaatigut anguneqarsimapput café-mi filmertarfimmilu 2015-imi naatsorsuutigisanit qaffasinnerusunik isertitaqartoqarsimanernik. Katuap piorsarsimassuseq aallaavigalugu aaqqissuuttarsimasai café-mi isertitaqarsimanerunermut pisooqataasimapput, kisiannili aamma café-mi, teknik-imi atisaajartarfimmilu il.il sulisunut aningaasartuutit amerlanerulersimanerannik kinguneqartitsitsisimallutik. Angusat aamma peqquteqarput 2015-imi naatsorsuutigisanit ikinnerusunik ataatsimeersuartitsisoqarsimanernik.

Katuamut tapiissutinik tunniussisartut, Nammineerlutik Oqartussat Kommuneqarfik Sermersooq-lu 2015-imi piorsarsimassutsip illorsuata ingerlanneqarneranut katillutik 9,5 mill. koruuninik tapiissuseqarsimapput. Katuaq-lu 34,3 mill. Koruuninik kaaviiaartitsisimavoq 2015- imilu 100.000 –it missinginit ornigarneqarsimalluni.

Katuaq 2015-imi angalaartitsinernik aaqqissuivoq nunatsinni illoqarfiit/nunaqarfiit 15-it tikissimallugit.

Siulersuisuni siulittaasoq Michael Skourup oqarpoq:

” Katuaq 2015-imi nipilersornernik, qitittunik. Isiginnaartitsissutinik, saqqummersitsinernik, film-ertitsinernik oqalugiartitsinernillu amerlasuunik ingerlataqarsimavoq, taamallu pisoqarneratigut amigaartoorutissatut natsorsutigineqartut sipaaruteqarnikkut isertitsissutissanillu aaqqissuilluarnikkut sinneqartoorutinngortissimallugit, taamallu ilinikkut Katuap oqaluttuarisaanerani kaaviaartitat aatsaat taamatut amerlatigisut 2015-imi anguneqarsimapput. Katuaq 1 krone-mik taperneqaraangat taava Katuaq 2,6 koruuninik nammineq qaavinut ilisisarsimavoq. 2015-imilu Katuaq illoqarfinnut nunaqarfinnullu arlaqartunut anngussimavoq, taamallu piviusunngortillugu tamaviaarluni anguniagaavoq. Kiisalu ataatsimiittarfiit ataatsimeersuartitsisarfiillu pitsaanngorsarnerisigut Katuap Horestamit pitsaassutsimut ullorissat tunniunneqartartut 5-it pissarsiarisimavai. Ineriartornerlu taaneqartutut ittoq siulersuisunit iluarisimaarneqarpoq. Katuaq-mi aqutsisut peqatigiiffiit, piorsarsimassutsimut atasumik takutitsisartut, suliffeqarfiit, aningaasaliisartut, tunuliaqutsiisartut, aqutsisut suleqatigisallu qanilaartumik suleqatigiissimanermik qutsavigiumavai, taaneqartummi tamarmik 2015-imi piorsarsimassuseq kivinniarlugu annertuumik suleqataasimammata” .

Siulersuisuni issiasut
Siulersuisuni ilaasortatut issiapput:
1. Siulittaasoq Michael Skourup, Visit Greenland-imit toqqagaasoq
2. Siulittaasup tullia Uju Petersen, Kommuneqarfik Sermersooq
3. Bodil Marie Damgaard, Namminersorlutik Oqartussanit toqqagaasoq
4. Hanne Saandvig Immanuelsen, Eqqumiitsuliornikkut Pinngorartitsisut Ingerlatsisullu (EPI – qitiusumik suliniaqatigiiffik)-mit toqqagaasoq
5. Angunnguaq Larsen, Katuami sulisunit toqqagaasoq

15. april 2016 tapiisartut piginnittuusullu ukiumoortumik ataatsimeeqatigineqassapput.

Share on Facebook0Tweet about this on TwitterShare on Google+0Share on LinkedIn0Email this to someone